Улсын Онцгой комиссын шуурхай штабаас коронавирусийн нөхцөл байдлын үед авч хэрэгжүүлж буй арга хэмжээний талаар мэдээлж байна. Токиогийн нислэгээр 4 гадаад иргэн ирсэн.

Энэ үеэр Гадаад харилцааны яамны Консулын газрын захирал Л.Мөнхтүшиг "Гуравдугаар сарын 3-нд Токиогоос ирсэн тусгай үүргийн нислэгээр гадаадын иргэн ирсэн талаар  иргэд буруу мэдээлэлтэй байна. Гуравдугаар сарын 20-ны УОК-ын хуралдаанаар Монголд ирэх боломжтой гадаад иргэдийн шаардлагыг тодорхойлсон. Үүний дагуу Токиогийн нийслэгээр 4 гадаад иргэн ирсэн. Үүнд: Япон-2 иргэн, Испани-1 иргэн, Америк-1 иргэн   

Эдгээрийн гурав нь Монгол аав ээжтэй, бичиг баримттай бага насны болон нярай хүүхдүүд байсан. Харин нэг Япон иргэн албан ёсны Монгол улсын иргэнтэй гэр бүл болж, олон жил энд  амьдарсан хүн байсан. Тэд зөвшөөрлөө авч, тусгаарлалтад хамрагдан ирсэн учир санаа зовох зүйл байхгүй" хэмээн мэдээлээ.