Сүхбаатарын талбайн урд хэсэгт 1.6 га талбайг хамардаг "Хонхтой" цэцэрлэгт хүрээлэнг тохижуулах ажил дөрөвдүгээр сарын 1-нээс эхэлсэн. Тус хүрээлэнд 85 метр урт, 14 метрийн өргөнтэй аялгуут усан оргилуурыг барихаар Улаанбаатар хотын захирагчийн ажлын албанаас шийдвэрлэсэн билээ. 

Иргэд чөлөөт цагаа өнгөрүүлэн амарч болох хөгжмийн аялгуу бүхий олон улсын жишигт нийцсэн тус оргилуурыг барих ажил маргаан дагуулсаар байгаа энэ үед "Хот тохижилтийн 700 ажилтан 3.2 тэрбум тѳгрѳгийн ѳртѳгтэйгээр хоёр сарын хугацаанд хэрэгжүүлэх Сүхбаатарын талбайн цэцэрлэгийн иж бүрэн тохижилтийг хувийн зардлаараа хийх ажил хэрэгч, бүтээлч санал тавьсан Алтан дорнод ХХК компаний захирал, их хотын иргэн Ганболдын саналыг хүлээн авч саналыг нь нийслэлийн удирдлагуудад хүргүүлэх" талаар Хотын дарга С.Амарсайхан өөрийн пэйж хуудастаа нийтэлжээ.