Коронавирусийн улмаас нэг сарын турш хаагдаад байсан Японы дунд сургуулиуд зарим бүс нутагт хэсэгчилсэн байдлаар хичээллэж эхэллээ.

 Хэдийгээр Японы Ерөнхий сайд Шинзо Абэ энэ долоо хоногийн эхээр Токио болон зургаан бүс нутагт онц байдал зарласан ч зарим хязгаар бүс нутгийн хичээлийг дахин эхлүүлэхээр шийдвэрлэсэн байна. Дунд сургуулийн сурагчид хоёр метрийн зайтай явж, гараа тогтмол угааж, өдөр бүр халуунаа үзүүлэх юм байна. 

Япон улсад одоогоор коронавирусээр халдварласан  1000 гаруй иргэн бүртгэгдэж, амиа алдсан хүний тоо 85-д хүрчээ. Япон улсын Засгийн газар COVID-19-ээс үүдэн саарч буй эдийн засгаа дэмжихийн тулд 990 тэрбум ам.долларын багц хөтөлбөр хэрэгжүүлэхээ мэдэгдсэн юм.