УИХ-ын Төсвийн байнгын хорооны хуралдааны хуралдаан үргэлжилж байна. Хуралдаанаар ХХОАТ, ААНОТ-ыг чөлөөлөх, НДШ-ийг зургаан сараар авахгүй байх хуулийн төслийг хэлэлцэж байна. Энэ үеэр Сангийн сайд Ч.Хүрэлбаатар хүүхдийн мөнгийг энэ сард багтаан олгоно гэж мэдэгдлээ. 

Сангийн сайд Ч.Хүрэлбаатар: Экспорт өнгөрсөн саруудад саарсан. Монгол болон Хятадын талаас нөлөөлсөн хүчин зүйл бий. Өчигдөрийн байдлаар дөрвөн боомтоор 211 автомашин урд хөрш рүү нүүрс гаргасан байна. 

Сайн мэдээ нь БНХАУ-д үйлдвэрлэлийн индескүүд хуртай өсөж эхлээд байгаа.  Дөрөвдүгээр сараас эхлэн экспортыг нэмэгдүүлэхээр зорьж байгаа.  Хичээлийн сургалт үйл ажиллагаа хаагдсан учир боловсролын салбарт хэмнэлт гарч байгаа. Энэ мөнгөөр хүүхдийн мөнгөний эх үүсвэрийг санхүүжүүлж,  дөрөвдүгээр сард багтаан олгоно. 

ХХААХҮ-ийн сайд Ч.Улаан: Энэ жил ноолуурын чанар сайн байгаа. Монгол Улс 10.2 мянган тонн ноолуур бэлтгэхээр төлөвлөсөн.  Үүний 30 хувийг дотоодын үйлдвэрүүд боловсруулах төлөвтэй. 

УИХ-ын гишүүн О.Батнасан: Төрийн албан хаагчдыг нийгмийн даатгалын шимтгэл болон ХХОАТ-аас чөлөөлж болохгүй. Төрийн албан хаагчдыг цахимаар ажиллах боломж бүрдүүлэх хэрэгтэй.

Үүнээс гадна малчидтай уулзахад ноолуурын асуудал хүндэрч байна. Монгол Улс нэг их наяд төгрөгтэй тэнцэх хэмжээний ноолуур самнаж авдаг. Гэтэл үнэ хямд байна. Өчигдөр гэхэд Хэнтий аймагт нэг килограмм ноолуурын үнэ 40-50 мянган төгрөгтэй тэнцэж байна.  Малчдын амьжиргааг хэрхэн дэмжих хэрэгтэй байна.