Улсын Онцгой комисс 18 дахь шуурхай хуралдаанаас өчигдөр Улаанбаатар, Сэлэнгэ, Дархан хотоос гарах, орох хөдөлгөөнийг хаасан талаар мэдээлсэн. 

Иргэдийн дунд уг мэдээллийг зөвхөн дээрх чиглэлд үйлчилнэ гэж ташаа ойлгох явдал гарч байгаа бөгөөд үүнтэй холбогдуулан Тээврийн цагдаагийн албанаас дараах анхааруулгыг өглөө.

Тухайлбал, нийслэлийн бүх орон гарах гарцыг хаасан учир дөрөвдүгээр сарын 25-ны өглөөний 06.00 цаг хүртэл Улаанбаатар руу зорчих хэрэггүйг санууллаа. 

Европын холбооны улсаас Сэлэнгэ аймгийн Алтанбулаг боомтоор дамжин ирсэн ачаа тээврийн жолоочоос коронавирусийн халдвар илэрсэнтэй холбогдуулан урьдчилан сэргийлэх зорилгоор дээрх замуудыг хаажээ.

Үүнд хот хоорондын зорчигч тээвэр, хувийн тээвэр, суудлын галт тэрэгний хэрэгслийн хөдөлгөөн багтаж буй юм. Энэ асуудалтай холбоотой нарийвчилсан журам, шийдвэрийг аймгийн болон нийслэлийн онцгой комисс гаргах аж.