Санхүүгийн тогтвортой зөвлөлийн гаргасан шийдвэрийг Монгол банкны Ерөнхийлөгч Б.Лхагвасүрэн танилцуулж байна. 

Нийт зээлдэгчийн 90 гаруй хувь нь хувь иргэний хэрэглээний зээлтэй. Хэрэглээний зээлд машины лизинг, цалингийн болон ипотетикийн зээл хамаарна.

Монголбанкны ерөнхий захирал Б.Лхагвасүрэн "Цар тахлын үеийн бэлэн байдлыг нэгдүгээр сарын сүүлээс хойш зарласан. Үүнээс хойш гарсан санхүүгийн хүндрэлийг судалж байна. Зээлийн хүүг 90 хоногийн хугацаанд төлөхөөргүй болгож, хойшлуулж байна. 

Мөн иргэд, ААН-ийн зээлд нэг сарын хугацаанд зээлээ төлөөгүй бол ангилал бууруулдаг байсныг өндөржүүлсэн бэлэн байдал зарласнаас хойш буюу нэгдүгээр сарын 27-ноос эхлэн долоодугаар сарын 27-ныг хүртэл (6 сар) хугацаанд зээлийн ангилалд нэмэлт, хасалт зэрэг өөрчлөлт оруулахгүй" гэв. 

Гэхдээ зээл төлөлтийн хугацааг хойшлуулснаар зээлээ төлөхгүй байж болно гэсэн үг биш бөгөөд ийнхүү зээл төлөх ёстой хугацаа нь хойшилно. Жишээлбэл: 20 жилийн хугацааны зээл 20 жил гурван сар болно гэх жишээтэй юм. 

Санхүүгийн зохицуулах хорооны дарга Д.Баярсайхан "Активын журмын ангиллаар зээлийг дөрөв ангилдаг. Хугацаа хэтэрсэн зээлийг 120 хоног хүртэлх хугацаанд "Хугацаа хэтэрсэн ангилал"-д оруулахгүй. Хямралын үед муу зээлд ангилагдвал иргэн, ААН дараагийн эх үүсвэр авах боломжгүй болдог. Үүнийг шийдэж байна гэсэн үг. ББСБ, ХЗХ-ны хувьд зээлийн эргэн төлөлтийн хуваарьт хоёроос олон удаа өөрчлөлт оруулбал зээлийн ангилал буурдаг байсан бол энэ хугацаанд хэдэн ч удаа хуваарьт өөрчлөлт оруулах боломжийг олгож байна. 

Тэрээр "Одоогоор 29 ББСБ шимтгэл хураамжаа тэглэсэн. Мөн нэмэгдүүлсэн хүү, алданги тооцохгүй болсон байна. Зарим нь хүү, үндсэн төлбөр дээр хөнгөлөлт үзүүлж байна" хэмээн онцолжээ. 

Зохицуулалт:

-Бизнесийн зээлтэй бол тухайн банктайгаа гэрээ хийснээр уг шийдвэр хэрэгжинэ.

-Харин хэрэглээний зээлтэй бол хөл хорионд тохируулан иргэдийн хүсэлтийг онлайнаар хэрхэн шийдвэрлэх талаар тухайн банк өөрсдөө зохицуулах аж.