• Lead the way ...
         
21
2024
Jul
Daily poll


Веб координатор: Л.ГОНЧИГСУМЛАА   |    148   |  
0
 
 

1. Та өнөөгийн амьдралаас хамгийн гэрэл гэгээтэй зүйлийг нэрлэхгүй юу?

Өнөөгийн нийгмийн өнгө төрхийг илтгэх олон саар зүйлийг бүгд мэднэ. Миний харж буйгаар нийгмийн өнгө төрхийг илтгэж буй гол зүйл нь тухайн нийгмийн харилцаанд орж буй хүмүүс соёлтой бол тухайн нийгэм бүхэлдээ соёлтой, шударга бол нийтээрээ шударга байна. 

Хүн амын дийлэнхийг залуучууд эзэлдэг учраас гэрэл гэгээг тэднээс олж харахыг хичээдэг.

Учир нь залуус өөрийн үзэл бодолдоо үнэнч, түүнийгээ чөлөөтэй илэрхийлдэг, шударга, соёлтой, дэлхийд хүлээн зөвшөөрөгдөх хэмжээний чадвартай болж байна. 

2. Амьдрал болоод мэргэжлийн салбарт тань шүүмжлэлтэй санагддаг зүйл юу вэ?

Хэн нэгнээс хараат, бэлэнчлэх сэтгэлгээтэй хүмүүст дургүй. 

Мэргэжлийн болоод бусад салбарт ч хувь хүний ёс суртахуун, мэргэжлийн ёс зүйгээ биелүүлэх нь дутмаг байдаг. 

Аливаад ёс зүйгүй ялгавартай хандах нь салбарын нэр хүндэд шууд нөлөөлдөг. 

image

ТАНД ХУУЛЬ ЗҮЙН САЙДЫН БҮРЭН ЭРХИЙГ ӨГЬЕ.

3. Харин та юу хийх байсан бэ?

Хэрэв Хууль зүйн сайдын бүрэн эрхийг өгвөл эхний 100 өдөрт дараах ажлыг хийнэ. 

Үүнд: 

  • Нийгмийн хөгжлийн хэрэгцээ шаардлагад тулгуурласан эрх зүйн шинэчлэл хийх бодлогыг тодорхойлно.
  • Хууль хэрэгжүүлж буй төрийн байгууллагын албан хаагчдын ёс зүйн шаардлагыг дээшлүүлнэ.
  • Ёс зүйгүй аливаа үйлдэлд хатуу хариуцлага хүлээлгэж, мэргэжлийн  нэр хүндийг хамгаална.
  • Мөн Үндсэн хууль болон бусад хуульд заасан төрийн үйл ажиллагааны зарчмыг нягт мөрдлөг болгож, иргэн бүрт хууль тэгш үйлчлэх боломжийг бүрдүүлнэ.
  • Хууль хэрэгжүүлэгчдэд чиглэсэн бодлогыг тодорхойлж, хууль зүйн салбарын нэр хүндийг өсгөж, авилга хээл хахуулийг бууруулна.
  • Улсын хэмжээнд хуулийг сурталчлан таниулах ажиллагааг шат дараатай зохион байгуулж, төрийн залгамж халааг үргэлжлүүлнэ.
TAGS





Холбоотой санал болгох мэдээ