Нэг иргэн 8392 ширхэг буюу 346 сая төгрөгийн баримт оруулсан. Мөн шатахуун импортлогч компаниас өдөрт 16 баримтаар 73 сая төгрөгийн баримт бүртгүүлсэн гэх мэт хууль бус буцаан олголт авах гэсэн тохиолдол олон байгаа учраас Татварын ерөнхий газраас хууль бус бүртгэлүүдийг шалгаж байна.

Мөн өнгөрсөн онд цахим шинэчлэл хийсэн нь зөвхөн НӨАТ-ын баримтаа бүртгүүлэхээс гадна төлсөн татвараа харах боломжтой болсон гэдгийг албаныхан онцолж байв.

Татварын ерөнхий газраас НӨАТ-тай холбоотой иргэдийг төөрөгдүүлж буй дараах асуудлуудад хариулт өглөө:

1.Хянагдаж байгаа төлөвт оруулахдаа мөнгөн дүнг бууруулдаг. Хянаж дуусаад зөрчилгүй бол "буцаан олгох" төлөв рүү шилжүүлдэг. 900 мянган хүн буцаан олголт авахаас 996 нь л хянагдаж байна. 

2. Сугалаанд оролцохгүйгээр буцаалтаа авах хүсэлт иргэдээс их ирдэг. Гэвч жилийн орлого нь 50 саяас доош аж ахуй нэгжүүдэд эрсдэл үүсэх магадлалтай тул урамшуулал болон сугалааг зэрэг явуулах хэрэгтэй гэсэн шийдвэрийг Засгийн газраас гаргасан. 

3. Энэ долоо хоногт шалгаж дуусаад жагсаалтыг Сангийн яаманд хүргүүлэх бөгөөд яам хүлээн авснаас хойш 45 хоногийн дотор иргэдийн дансанд буцаан олголтыг хийх журамтай. 

Систем автоматаар ажиллаж, шалгуур хангаагүй бол эрсдэлд тооцож, хяналт хийдэг . НӨАТ-ын буцаан олголт эрсдэлтэй хэмээн хянагдаж байгаа бөгөөд өөрийн бүртгүүлсэн баримтаа хуулийн шаардлага хангасан хэмээн үзэж байгаа бол:

• Орон нутгийн оршин суугчид харьяа татварын албанд,
• Нийслэлийн иргэд ТЕГ-т хандан, гомдол гаргах боломжтой юм.