ИРГЭН БҮР ХУУРАМЧ МЭДЭЭЛЛИЙГ ТАНЬЖ СУРЪЯ.

Судлаачдын үзэж буйгаар “Хуурамч” мэдээлэл “Үнэн” мэдээллээс 6 дахин хурдан түгдэг. Энэ нь олон сөрөг үр дагавартай. Ойрын өдрүүдэд болж өрнөж буй үйл явдал, мэдээллийн хөөсрөл дунд "хуурамч мэдээлэл" маш их хэмжээгээр тарж байна. Иймд иргэн бүрт хуурамч мэдээллээс өөрийгөө хамгаалах дархлаатай байхыг хэвлэлийн хүрээлэнгээс уриалж, хуурамч мэдээллийг таних энгийн 5 шинжийг танилцуулж байна. Үүнд:

1. Clickbait буюу ЛАЙК, ШЭЙР хийлгэж товч даруулах үйлдэлд уриалж буй аливаа мэдээлэлд эргэлз. Энэ нь хуурамч мэдээлэл байх магадлалтай.

2. ПРОПОГАНДА буюу ухуулга хэлбэрээр зориуд бэлтгэсэн, эвлүүлсэн постер бүхий контент нь хуурамч мэдээлэл тараах зорилгоор зарим тохиолдолд хийгддэг гэдгийг анхаар. Ийм постероор өгч буй агуулга нь мэдээллийг хэт дэвэргэсэн, хувь хүний нэр хүндэд шууд халдсан, тод хурц зураг дүрслэл оруулсан, эсэргүйцэх, тэмцэх үйлдэлд шууд уриалсан байх шинж тэмдгийг ихээр агуулдаг.

3. Доромжлол, элэглэл хэлбэрийн мэдээлэл ердийн хошин шог, наргиа мэт боловч хуурамч мэдээллийг тараадаг хамгийн хор хөнөөлтэй хэлбэр гэдгийг анхаар. Иймд хөнгөн наргиа, хошин шогийн мэдрэмжээ гаргаж буй илэрхийлэл мэдээллийг гуйвуулж буй эсэхийг нягтал.

4. Гуйвуулсан гарчиг, хэт сенсааци тарих зорилготой гарчиг бүхий мэдээлэл нь бусдыг төөрөгдүүлж, олон нийтийн хандалтыг авах зорилгоор хуурамч мэдээллийг тарааж байдаг. Гарчиг, бичвэр зөрж буй мэдээлэл, ийм мэдээллийг тарааж буй эх сурвалжаас болгоомжил.

5. Тоо баримт, мэдээллийн алдаатай болон гажуудалтай мэдээ хуурамч мэдээллийг илт тарааж байдаг.

Иймд олон нийтийн сүлжээн дэх энэ төрлийн мэдээ мэдээлэлд хувь мэдлэгтэй хандаж, бусдад түгээхгүй байх, албан ёсны, баталгааг эх сурвалжаас мэдээлэл авахыг хүсье.